Святителя Тихона Задонского краткое увещание "Како подобает в святые храмы входить на славословие".

                                         Св. Тихон, епископ Воронежский

                                                                             
                                                               Внидите во врата его во исповедании.                                                                                                                    Пс. 99, 4.                                                                                                                                     
         1) В церковь идучи, думай, что ты в дом Царя небеснаго идеши, где со страхом и радостию стоять должно, так как на небеси пред небесным Царем: в храме стояще, на небеси стояти мним, поет св. церковь. – 2) Хотя с пользою молитися, остави ближнему согрешения, да неосужденно Отца небеснаго призовеши, глаголя: Отче наш, иже на небесех и проч. остави нам долги наша, якоже и мы оставляем должником нашим. И ежели не оставишь ближнему согрешений, знай, что и тебе от Бога не оставятся согрешения. Аще не отпущаете человеком согрешений их, ни Отец ваш отпустит вам согрешений ваших (Матф. 6. 15). – 3) В церкви стоя, по сторонам не озирайся, и как кто стоит или молится, не смотри, да не с фарисеем осудишися, понеже пришел ты не судить, а у Бога Судии и Сердцеведца милости просить; но к единому алтарю со умилением взирай, где святая жертва приносится, и, мытарю подражая, о своих грехах помолися милостивому Богу, глаголя: Боже, милостив буди мне грешному! – 4) От смеху, разговоров крайне берегися, понеже кто, в церкви стоя, смеется или разговаривает, не токмо не умилостивляет Бога, но и вельми раздражает; не отдает бо чести святому месту и других соблазняет и препятствует другим молиться. Послушай прилежно чтение и пение и от того умиляйся, и аще мысль твоя отвлекает ум твой или к дому твоему, или к иным мирским вещам, всячески тщись ум твой обратить и призывать к слушанию пения, славословия Божия, псалмов и молитв чтомых, да с пользою из церкви изыдеши. – 5) Приходя к церкви, видиши гробы братии твоея и того для помяни, что и ты в тыяжде недра земли вселишися, и которую персть топчеши ногами, тая покрыет лице. И потому воздохни к Богу о преставльшихся, да помилует их. Сие бо не токмо им, но и тебе будет полезно; ибо к ближним любовь показуеши и, видя их умерших, помяни и о своей смерти, да тако усерднее Богу помолишися. – 6) Что слышал в церкви чтенное или проповеданное, в доме своем разсуждай и тщися по оному исполнять, да не в большее осуждение будет тебе слышанное слово Божие и не сотворенное. Блажени бо, рече, слышащие слово Божие и хранящие е (Лук. 11, 28). Да и домашних твоих и детей к тому же наказуй и учи, да не из-за них от Бога истязан будеши.Тако в церковь входя и моляся, с пользой исходити будеши и житие свое добре устроиши, и желаемаго вечнаго блаженства сподобишися, благодатию Господа Бога нашего Иисуса Христа. Аминь.
 
Источник: Творения иже во святых отца нашего Тихона Задонскаго. Издание пятое. Москва . В Синодальной типографии. 1889. Том 1, с. 100-101.